ASSISTANT TOUR GUIDE SA BORACAY, NALUNOD-PATAY

Boracay Island – Dead on arrival sa ospital ang isang tour guide matapos malunod kagabi sa Sitio Angol, Manocmanoc, Boracay.

Nakilala ang biktimang si John Lenton Flores, 22 anyos at residente ng Sitio Tambisaan, Manocmanoc, Malay.

Basi sa report ng Boracay PNP, katatapos lang na mag  island hoping ng biktima at ng kanyang mga kasama sakay ng isang pumpboat  ngunit pagdating  sa  Angol beach ay nag backflip dive exhibition ito at hindi na nakaahon.

Pagkalipas ng ilang minuto ay agad na siyang hinanap at nirescue ng kanyang mga kasama at dinala sa ospital.

Idineklarang patay ang biktima mga dakong alas 8:25 kagabi.