Away ng dalawang estudyante nauwi sa rambol

Sugatan ang isang 14 anyos na grade 9 student sa isang paaralan sa bayan ng Makato matapos mangyari ang rambol sa pagitan ng dalawang grupo ng estudyante kahapon ng tanghali.

Napag-alaman na habang kumakain ng tanghalian ang biktima sa likod ng paaralan kasama ang kanyang grupo ay sinundan ito ng kalabang grupo at doon na nag hamon ng away.

Nagtamo ng sugat sa kanyang katawan ang biktima at ngayon ay nagpapagaling na sa Provincial Hospital.

Ayon sa nakalap na impormasyon ng Radyo Todo ay nakarating na ito sa pamunuan ng eskwelahan at ipapatawag ang mga grupo ng estudyante para pag ayusin ang mga ito.