Away ng dalawang lasing sa isang lamay, nauwi sa pananaksak

Duguan na sinugod sa ospital ang isang lalaki matapos masaksak ng kanyang nakaaway sa lamay kaninang madaling araw sa Sitio Laguna, Brgy. Cayangwan, Makato.

Kinilala ang biktimang si Ed Taborda, 25 anyos na residente ng lugar at ang suspek na si Rey Tejada, 30 anyos ng Tibiawan, Makato.

Batay sa Makato PNP, parehong lasing ang biktima at suspek. Nagkaroon ng hindi pagkakaintindihan ang mga ito hanggang sa nauwi sa away at pananaksak.

Napag-alaman na may dala palang patalim ang suspek na ginamit nito sa pagsaksak sa biktima sa may kaliwang braso at tiyan nito.

Matapos ang insidente ay umuwi pa sa kanilang bahay ang suspek at doon nahuli ng mga kapulisan.

Samantalang ang biktima ay agad na dinala sa Aklan Provincial Hospital ng MDRRMO Makato.