Babaeng motorista sumemplang dahil sa pusang biglang tumawid sa kalsada

Sugatan ang isang babaeng motorista dahil sa biglang  tumawid na pusa sa kalsada ng New Buswang, Kalibo dakong alas-11 ng gabi nitong Miyerkules.

Kinilala ang biktima na si Delfa Tributo, 28-anyos at residente ng New Buswang.

Napag-alaman na galing ito sa kanilang bahay at patungo sa direksyon ng Pob. Kalibo. Ngunit pagdating nito sa nasabing lugar partikular sa harap ng Top Gas gasoline station ay may biglang tumawid na isang pusa dahilan ng kaniyang pagkatumba.

Nagresulta ito ng iba’t ibang galos sa katawan ni Tributo na agad ding ginamot sa Aklan Provincial Hospital.