Aklan News
Babaeng motorista, sumemplang sa brgy. Tambak, New Washington
SUMEMPLANG ang isang babaeng motorista matapos umanong mawalan ng kontrol sa minamanehong motorsiklo sa Brgy. Tambak, New Washington, bandang alas-10 ng umaga nitong Linggo, Abril 13.
Ang hindi na pinangalanang babae, ay edad 33-anyos na residente ng Brgy. Polo, New Washington.
Sa inisyal na imbestigasyon ng New Washington PNP, binabaybay ng motorsiklo ang direksyon papunta sa bayan ng Kalibo habang kasunod ng isang sasakyan.
Nang mag-signal light umano ang naturang sasakyan upang lumiko patungo sa isang gasolinahan ay bigla na lamang natumba ang motorsiklo.
Samantala, nagresponde naman sa lugar ang MDRRMO-New Washington at New Washington PNP.
Dahil sa aksidente, nagtamo ng mga galos sa iba’t-ibang bahagi ng katawan ang babaeng motorista na kalauna’y isinugod sa Provincial Hospital para sa karagdagang pagpapagamot.
Sa ngayon, patuloy pa ang imbestigasyon ng New Washington Municipal Police Station kaugnay ng naturang aksidente.l Ulat ni Arvin Rompe
