Babaeng nagpapakilalang fire inspector na nanloko sa Boracay, naaresto na ng mga kapulisan

Naaresto na ng mga kapulisan ang babaeng nagpakilalang fire inspector at nanloko ng mga establisyemento sa isla ng Boracay.

Ayon kay PLt. Col. Dainis Amuguis, hepe ng Malay PNP na naaresto ang sa suspek sa checkpoint ng mga kapulisan sa bayan ng Altavas.

Aniya pa, bago naaresto ang suspek ay nakabiktima ito ng dalawang gasoline station at isang laundry shop sa isla.

Saad pa ng hepe, ang modus ng suspek ay nagpapakilang miyembro ng BFP at nagsasagawa ng inspection.

Iginigiit raw nito na expire na ang kanilang fire extinguisher at kailangan ng palitan kung saan humihingi ito ng bayad.

Dahil dito ay kaagad silang nagsagawa ng hot pursuit operation upang mahuli ang nasabing babae.

Sa ngayon ay nakikipag-ugnayan na ang Malay PNP sa Altavas PNP para sa karampatang disposisyon sa suspek matapos malambat ng mga otoridad.