Bagong opisina ng CSC Field Office, pinasinayaan na!

Pinasinayaan na ang bagong opisina ng Civil Service Commission Building (Aklan Field Office) na matatagpuan sa bayan ng Banga nitong Agosto a-10.

Pinangunahan naman ni CSC Chairperson Atty. Karlo Nograles at CSC Commisioner Atty. Aileen Lourdes A. Lizada ang ceremonial ribbon cutting.

Kasama rin sa nasabing programa si Gov. Joen Miraflores, CSC-Aklan Provincial Director Mr. Leo Jamorin, Aklan State University President Dr. Emily Arangote, mga opisyales at mga department head sa lalawigan.

Sa kasalukuyan ang Civil Service Commission Field Office sa Aklan ay matatagpuan sa 3rd floor building ng Aklan State University – Kalibo Campus.

Dahil sa bagong opisina ng Civil Service Commission, mas magiging madali pa ang serbisyo ng nasabing ahensiya sa mga Aklanon.