Bahay ng isang tanod tinupok ng apoy sa Brgy. Mobo, Kalibo

Tuluyang naabo ng sunog ang bahay ng isang Brgy. Tanod ngayong Biyernes ng umaga sa Brgy. Mobo, Kalibo.

Batay sa may-ari ng bahay na si Gilbert Cipriano, nasa Ibao, Lezo siya nang mangyari ang sunog at walang ibang tao sa kanilang bahay.

Kasama umano sa mga nasunog ang kanyang P6000 na pera at tanging jacket at uniform lang nito sa tanod ang nailigtas.

Batay sa mga nakakita, nagmula umano ang apoy sa kwarto ng bahay.

Palisaipan naman ngayon kung ano ang sanhi ng sunog dahil wala naman umano silang supply ng kuryente sa bahay at wala rin itong naiwang niluluto.

Wala ring maisip na kaaway o nakaalitan si Cipriano na posibleng gumawa nito.

Inaalam pa ng mga otoridad kung ano ang talagang pinagmulan ng apoy.