BAHAY NG WELDER, HINALUGHOG-BARIL AT BALA NAREKOBER

Arestado ang isang welder matapos umanong marekober ang baril at bala sa loob mismo ng kanyang bahay.

Nakilala ang suspek na si Joel Bernales, 43 anyos ng Camanci Sur, Numancia.

Sa bisa ng search warrant na ibinaba ni Executive Judge Bienvenido P.Barrios Jr., hinalughog ng mga operatiba ng Aklan PPO at Numancia PNP ang bahay ni Bernales kung saan narekober ang calibre .45 na baril, calibre .38, mga bala at magazine na nerekober naman lahat sa loob ng kanilang kuwarto.

Ayon naman kay Bernales, ibinigay umano sa kanya ng kanyang kaibigan ang mga nasabing baril na mga sira na umano, na kanya namang tinanggap bilang pang self defense.

Samantala, aminado rin si Bernales na nagpapaputok siya sa kanyang bahay tuwing kaarawan lamang niya, subali’t fire works at hindi baril.

Kaugnay pa nito, kaagad inaresto ang suspek at pansamantalang ikinustodiya sa Numancia PNP kasama ang mga narekober na armas at bala habang inihahanda ang kasong paglabag sa RA 10591 o Comprehensive Laws on Firearms and Ammunition na isasampa laban sa kanya.