Bahay sa Boracay, nilamon ng apoy; P63K iniwang danyos

Naabo ang isang bahay sa Zone 1 Sitio Diniwid, Brgy. Balabag, Boracay pasado alas-11:05 ng umaga nitong Biyernes.

Ayon kay FO1 Teody Mark Emelia ng BFP Malay, ang naturang bahay ay pagmamay-ari ni Sherwin Escultor, 40-anyos at isang technician kung saan kakauwi niya lamang nang mangyari ang sunog.

Mabilis na nilamon ng apoy ang bahay ni Escultor dahil gawa lamang ito sa light materials.

Tinataya namang aabot sa P63,000 ang iniwang danyos ng naturang sunog.

Samantala, nagpapatuloy pa ang imbestigasyon ng BFP sa kung ano ang pinagmulan ng apoy.