Bahay sa D. Maagma pinasok, P28,000 na perang panghanda sana sa kaarawan nilimas ng kawatan

Pinasok ng kawatan ang isang bahay sa may D. Maagma St. sa bayan ng Kalibo.

Ayon sa may-ari ng bahay, natangay ng hindi pa kilalang suspek ang P28,000 na panghanda sana nila para sa kaarawan ng kanilang anak.

Salaysay niya, nakalagay ang pera sa isang sling bag na katabi ng kanyang asawang natutulog sa sala.

Paggising nito kaninang alas 5:00 ng umaga ay nadiskubre niya na wala na ang sling bag.

Hinanap nila ito at nakita sa may bakanteng lote na malapit sa kanilang bahay, nakakalat din doon ang mga atm card at ID pero wala na ang pera.

Pinaniniwalaan na sa kusina dumaan ang kawatan dahil nakabukas na ang pintuan doon at hinarangan pa ng bote ng magnanakaw para hindi tumunog.

Minabuti na lang ng may-ari na ipa-record ang insidente sa pulisya para maimbestigahan ang nangyari.