Bahay sa Ibajay, tinupok ng apoy

INABO ng apoy ang isang bahay sa Purok 1, Brgy. Ondoy, Ibajay pasado alas-6:00 kagabi.

Batay kay FO1 Apol John Boone Abayon ng Ibajay Fire Station, ang bahay ay pamamay-ari ni Welio Gacol, 44 anyos.

Pahayag pa niya, wala umanong tao sa loob ng bahay ng mangyari ang sunog.

Gawa sa mixed materials ang bahay pero mabilis itong nilamon ng apoy at walang naisalbang gamit ang pamilya.

Nagdeklara ng fireout ang bumbero dakong alas-7:35.

Nasa P45,000 ang paunang danyos na naitala, samantala, patuloy pa ang imbestigasyon kung ano ang dahilan ng sunog./MAS