Bahay sa Kalibo, pinasok ng kawatan

Kalibo, Aklan – Pinasok ng kawatan ang isang bahay nitong Martes sa Brgy. Pook, Kalibo.

Personal na dumulog sa Kalibo PNP ang biktimang si Jenny Javier Pastrana nang makita ang isang di kilalang lalaki na pumasok sa kanilang bahay na tumangay ng kanyang P5000 na pera at isang cellphone ng kanyang anak.

Mabilis naman na nadakip ng mga pulis sa kanilang follow up operation ang suspek na si na Wilmer Alejandro Nalda, 18, ng Purok 3, C. Laserna St., Poblacion, Kalibo nang i-report ukol sa isa pang kinasangkutang kaso ng pagnakaw.

Kasamang naaresto ni Nalda si Val Dela Rosa, 20 anyos at isang 17-anyos na menor de edad na dinala na sa pangangalaga ng WCPD.

Nabatid na silang tatlo ang responsable sa motor napping na naganap sa bayan ng Kalibo.