Bangkay ni Makato Mayor Abencio Torres hindi na iuuwi sa Aklan, ililibing sa Manila Memorial Park

Hindi na iuuwi sa lalawigan ng Aklan ang bangkay ni Makato Mayor Abencio Torres.

Ito ang kinumpirma ni Francis “Tikboy” Bofill, Barangay Kagawad ng Poblacion, Makato sa panayam ng Radyo Todo.

“Owa eon gid man kami it plano nga mai-uli pagid imaw iya ay idto man ay ro anang mga unga hay idto man, gusto man nga makaibahan imaw sa anang ulihing mga inadlaw,” ani kagawad Bofill.

Sa ngayon aniya ay nakaburol ang labi ni Mayor Torres sa Manila Memorial Park sa Paranaque at nakatakdang ilibing sa araw ng Sabado June 4, 2022.

“Nakahaya imaw sa Manila Memorial Park sa Paranaque ag idto man siguro imaw i-eubong… tentative schedule Saturday.”

Saad pa ng konsehal marami ang may gustong dumalaw sa alkalde kung kaya’t pinaplano pa ngayon ang schedule para sa mga kamag-anak, kaibigan at tagasuporta na nais bumisita sa burol ni Torres.

Samantala, inihayag naman ni Boffil na namatay ang alkalde ng Makato, pasado alas-5:00 ng hapon ng Mayo a-28 sa edad na 74-anyos.

Si Torres ay siyam na taong nanungkulan bilang alkalde ng bayan ng Makato kung saan magtatapos sana ang kanyang panunungkulan sa Hunyo a-30.