BINATILYONG LASING SA PIYESTAHAN, NAG-AMOK DAHIL NAWALA ANG KANIYANG SUMBRERO

Nag-amok ang isang 18-anyos na binatilyong lasing matapos umanong mawala ang kaniyang sumbrero sa isang piyestahan sa Sitio Guba, Brgy. Tigayon, Kalibo gabi nitong Biyernes.

Ayon sa pinsan na kasama nito sa bahay, naabutan nila na lasing na ang nasabing binatilyo na nakipag-inuman sa kapit-bahay.

Nagsimula umano ang pag-aamok ng binatilyo nang hindi nito makita ang kaniyang sumbrero at iba pang mga gamit.

Sinasabing may nakaaway pa itong kainuman ngunit mabuti at naawat naman agad.

Dahil sa patuloy pa rin ang pagsisigaw nito at hindi na nakikinig maging sa kaniyang pamilya ay minabuting pinarespondehan na lang ito sa mga kapulisan.

Samantala, humagulgol naman ang nasabing binatilyo sa pag-iyak at pagmamakaawa nang ikustudiya ito sa Kalibo Municipal Police Station. (via Rhealyn Ortega)