Boarding house sa Boracay, pinasok ng magnanakaw

Boracay – Pinasok ng magnanakaw ang kwarto ng dalawang boarders sa Brgy. Manocmanoc, Boracay, 2:00 ng madaling araw kahapon.

Nakilala ang mga biktima na sina Emmanuel Bugsain Celajes, 21 anyos at Jefferson Mejares Yambao, 28 anyos, pawang residente ng Sitio Manggayad, Brgy. Manocmanoc, Boracay.

Ayon sa mga biktima mahimbing ang kanilang tulog ng pumasok ang magnanakaw.

Base naman sa imbestigasyon ni Patrolman Jan Michael ng Malay Pnp nahagip sa cctv footage galing sa isang hotel na malapit sa tinitirahan ng mga biktima ang tatlong menor de edad na galing sa dereksyon ng boarding house ng mga ito.

Nakuha ng kawatan ang P2,000 na pera ni Yambao samantala 1 Iphone6 at 1 vivo Y91 at perang P1,500 naman ang kay Celajes.

Sa ngayon patuloy pa ang sinasagawang imbestigasyon ng Malay Pnp.