Boracay Island, pumangatlo sa listahan ng ‘Top Islands in Asia’ ng Conde Nast Travel magazine

PUMANGATLO ang sikat na Boracay Island sa listahan “Top Island in Asia” sa Conde Nast Traveler Readers’ Choice Awards 2023.

Nakakuha ng 90.74 points ang Boracay Island mula sa mga readers ng sikat na travel at lifestyle magazine.

Maliban sa Boracay, pasok din sa listahan ang Palawan na nasa ika-anim na pwesto samantalang nasa ika-sampu naman ang Siargao.

Noong taong 2022, kinilala rin bilang “Top Island in Asia” ang Boracay Island.Samantala, nitong buwan ng Setyembre, nakapagtala ang Boracay Island ng nasa 124,491 tourist arrivals.

Mas mataas ito kung ikukumpara sa mga nakalipas na taon sa kaparehong buwan.

Samantala, positibo naman ang Malay Tourism Office na malalagpasan pa nila ang target na 1.8 million tourist arrivals bago matapos ang taong 2023.