BORACAY, MAY HIGIT 15K TOURIST ARRIVALS SA UNANG 5 ARAW NG DISYEMBRE

Patuloy pa rin ang paglobo ng bilang ng mga turistang bumisibista sa isla ng Boracay lalo na’t papalapit na ang holiday season.

Batay sa tala ng Malay Tourism Office, nasa 15,601 na ang mga bumisita sa isla sa unang limang araw ng Disyembre.

Patuloy na nangunguna ang National Capital Region (NCR) sa may pinakamaraming nagbisita na nasa 7,301 ang kabuuan habang pumapangalawa naman ang mga taga CALABARZON na may bilang na 3,158.

Nauna nang sinabi ni Malay Mayor Frolibar Bautista na naghahanda na sila sa pagtanggap ng mga dayuhang turista.

Pero ipagpapaliban muna nila ang mga nasimulang paghahanda dahil sa banta ng Omicron variant.

Mas naging mahigpit at mabusisi na rin ngayon ang lokal na pamahalaan sa pagsuri ng mga requirements ng mga papasok na turista.