BUSINESS HOURS NG MGA COMMERCIAL ESTABS, PAPALAWIGIN

Inaasahan na magpapalabas ngayong araw ng advisory si Aklan Gov. Florencio Miraflores sa mga ilang pagbabago na napagkasunduan sa isinagawang Provincial Inter-Agency Task Force (PIATF) meeting kahapon.

Ayon kay Ibajay Mayor at LMP President – Aklan Chapter Jose Enrique Miraflores na isa sa pinagtuunan ng kanilang pag-uusap ay ang business hours ng mga essential commercial establishments, pribado at government offices at transportasyon.

Papalawigin ang business hours ng mga commercial establishment simula ngayong araw mula alas 6 ng umaga hanggang alas 5 ng hapon na mas mahaba ng isang oras dating alas 6am hanggang 4pm.

Samantala ang mga nagtratrabaho sa pribado at gobyernong tanggapan ay mananatili sa alas 8am- 4pm para may oras pa sila na makapamili ng mga kakailanganin hanggang alas 5 ng hapon.

Wala ring ipinagbago ang iskedyul ng biyahe ng mga pampublikong sasakyan na hanggang alas 6 ng gabi.