Aklan News
Buyer, na-scam matapos mag-order sa facebook marketplace; imbes tablet, wipes with phone stand ang dumating
NADISMAYA ang isang online buyer matapos na ma-scam sa inorder na tablet sa Facebook Marketplace.
Ayon sa isang netizen, nagpatulong sa kaniya ang isang lalaki matapos na ma-scam dahil ibang item ang dumating sa kaniya.
Nag-order umano ang lalaki sa Facebook Marketplace ng isang tablet na nagkakahalaga ng ₱ 1,399 pesos.
Dumating naman ang parcel nitong Miyerkules, Mayo 21 ngunit laking gulat nito nang makita ang laman na hindi tablet ngunit isang wipes at phone stand imbes lamang.
Dagdag pa rito, pinuntahan rin ng online buyer ang courier company para na rin sa possibleng disposisyon.
Labis naman na panghihinayang ang naramdaman ng isang lalaki dahil sa nangyari.l Ulat ni Arvin Rompe
