CONFIRMED: Fountain itatayo sa loob ng Kalibo Pastrana Park!

Binaklas ngayong umaga ang takip na nakapalibot sa may bahagi ng Kalibo Pastrana Park na pumukaw sa pansin ng mga tao.

Photo: Rhealyn Ortega/Radyo Todo Aklan

Matatandaang naging usap-usapan ito at umani ng iba’t-ibang komento at hula sa mga Aklanon kung ano nga ba talaga ang gagawin sa nasabing lugar.

Ayon sa Foreman ng kontraktor na nagsasagawa ng bagong proyekto sa ilalim ng Kalibo Municipal Engineering, binaklas nila ang takip dahil binagong muli ang lokasyon kung saan ito itatayo.

Napag-alaman na ang unang lokasyon na naka-propose sa proyekto sa gitnang bahagi sa may kinatatayuan ng flag pole ngunit nilipat umano ito sa may gilid na bahagi ng Kalibo Pastrana Park kung saan tatlong araw na nila itong tinatrabaho.

Ngunit kaninang umaga ay ipinalipat muli sa kanila at ibinalik ang unang plano. Samantala, kinumpirma ng nasabing foreman na “fountain” na may sukat na 535/300 sq meter ang itatayo dito at tinatayang matatapos bago magpasko.