CONSTRUCTION WORKER NA TAGA CAPIZ, ARESTADO SA BUY BUST SA KALIBO

Nahulog sa kamay ng mga otoridad ang isang 31 anyos na construction worker na nagbebenta ng droga sa Kalibo.

Naaresto sa buy bust operation ngayong tanghali sa Sitio Libtong, Brgy. Estancia ang suspek na si Jomar Apolinario ng Tisa, Roxas City.

Ayon sa hepe ng Kalibo PNP na si PLt.Col Belshazzar Villanoche, dalawang linggo na nilang minamanmanan ang suspek na napag-alaman na nagdedeliver ng droga sa mga parokyano sa Kalibo.

Nakuha sa suspek ang 2 sachet ng pinaghihinalaang shabu kapalit ng P2000 na buy bust money.

Bukod pa rito, nakuhaan pa si Apolinario ng isang sachet ng shabu na nakaipit sa napkin na inilagay nito sa kanyang underwear.

Sa naging panayam ng Radyo Todo sa suspek, itinanggi nito na sa kanya ang mga nasabing droga.

Kasong paglabag naman sa RA 9165 o Comprehensive Dangerous Drugs Act of 2002 ang kakaharapin ng suspek