Construction worker, natagpuang patay sa tinutuluyang bahay sa Andagao, Kalibo

Wala ng buhay nang matagpuan sa loob ng kanyang kwarto ang isang construction worker sa may Viscarra Subdivision, Andagao, Kalibo ngayong Martes ng umaga.

Kinilala ang biktimang si Alvin Nacita tubong Miagao, Iloilo na pansamantalang nagtatrabaho sa Aklan.

Ayon sa kasamahan nito sa trabaho na si Roger Rogelio, kinutuban sila nang mag alas-8 na at hindi pa rin lumalabas ng kwarto si Nacita kaya nagdesisyon sila na buksan na ang pinto.

Doon na tumambad sa kanila ang wala ng buhay na katawan nito.

Nagresponde naman agad ang mga kapulisan pero wala silang nakitang bakas ng foul play o mga sugat at galos sa katawan ng nito.

Pinaniniwalaan na posibleng inatake sa puso ang biktima kaya binawian ng buhay.