Convenience store sa Kalibo nabiktima ng shoplifter

Nabiktima ng hindi pa nakikilalang shoplifter ang isang convenience store sa may ASU Andagao, Kalibo dakong alas-9 kagabi.

Pinablotter ito sa Kalibo PNP alas 10:35 kagabi ng isang service crew na kinilalang si Joemarie Mediavilla, 32 anyos ng Brgy. Pook, Kalibo.

Salaysay niya, pumasok sa establisyemento ang isang lalaking nakasuot ng bonnet at mask at nagpanggap na costumer.

Nakuha pa sa CCTV ang pagtangay nito ng dalawang Spam, 2 corned beef at isang Lady’s chocie na may kabuuang halaga na P1,375.

Iniimbistigahan na ng Intel Section ng Kalibo PNP ang insidente.