COVID 19 POSITIVE PATIENT NA TAGA LEZO, HINDI NAKAPUNTA SA NUMANCIA PUBLIC MARKET — LGU NUMANCIA

Ipinapaabot ng pamunuan ng Lokal na Gobyerno ng bayan ng Numancia sa pangunguna ni Mayor Jeserel Templonuevo sa publiko na ang positive patient na taga Lezo, Aklan ay hindi nakarating o nakabisita sa Numancia Public Market.

Ayon kay Market Administrator Tootsie Yeban walang puwesto at hindi nagtitinda sa nasabing pamilihan maging ang nanay nito.

Taliwas umano ito sa mga naunang report ng ibang media entities sa probinsya ng Aklan.

Huwag anyang matakot na pumunta sa bayan ng Numancia lalong-lalo na sa loob ng pamilihan dahil hindi nakaabot doon ang mag-ina.

Patuloy parin umano ang mahigpit na pagbabantay sa nasabing Public Market para sa siguridad at kaligtasan ng namimili doon.