Dahil pag-iwas sa asong tumawid, van bumangga sa traysikel

Wasak ang unahang bahagi ng van matapos bumangga sa isang traysikel dahil umano sa pag-iwas sa tumawid na aso alas 4:20 kaninang madaling araw sa highway ng Colong-colong, Ibajay.

Base sa report ng Ibajay PNP, papunta sa direksyon ng Nabas ang van na minamaneho ni Ronie Delina, 44 anyos ng Panatalan, Nasugbo, Batangas, nang may tumawid na aso pagdating nito sa kurbadang kalsada.

Dahil dito, iniwas umano ng driver ang van, subali’t aksidente naman nitong nabangga ang nakaparadang traysikel doon.

Nadamay din ang isang tindahan doon dahil sa lakas ng pagkakabangga, subali’t swerte namang walang nasugatan sa insidente.