DAHIL SA ASO, MOTORISTA SUMEMPLANG SA HIGHWAY

Numancia, Aklan – SUGATAN ang isang motorista sa nangyaring aksidente dahil sa aso kagabi sa kahabaan ng national highway ng Brgy. Laguinbanwa East, Numancia.

Mabilis na nagresponde ang mga taga PDRRMO upang bigyan ng paunang lunas ang biktimang si Gerald Fernandez, 28 anyos, residente ng naturang lugar.

Salaysay ng biktima, pauwi na sana siya mula sa Kalibo ng mabangga niya ang isa sa apat na aso na naghahabulan sa gitna ng kalsada.

Hindi na nakapagpreno ang biktima at tumumba sa motor.

Dahil dito nagtamo ang biktima ng mga gasgas sa iba’t-ibang parte ng katawan.