DAHIL SA BAKA, 21 ANYOS NA BABAE NAAKSIDENTE SA MOTOR

Nagtamo ng galos sa ibat-ibang parte ng kanyang katawan ang isang babae matapos maaksidente kagabi sa minamaneho nitong motorsiklo.

Ang biktima ay nakilalang si Angela Toriaga, residente ng Brgy. Fatima, New Washington, Aklan.

Ayon sa pamilya ng biktima, nangyari ang aksidente mga dakong 7:00 kagabi sa Brgy. Ochando New Washington, kung saan pauwi na umano ang biktima sakay ng kanyang motorsiklo ng biglang may tumawid na baka sa kalsada kung saan aksidente niya itong nabangga at nawalan ng kontrol sa minamaneho nitong motorsiklo na naging dahilan ng kanyang pagkatumba.

Kaagad dinala sa Provincial Hospital ang biktma matapos itong magtamo ng mga galos sa kanyang katawan, at kasalukuyang nagpapagaling sa surgical ward ng nasabing pagamutan.