Dahil sa diskusyon lalaki sinaksak ng kainuman

Nagtamo ng sugat sa kanyang tagiliran ang isang lalaki matapos saksakin ng kanyang kainuman kagabi sa Barangay Pagsanghan, Banga, Aklan.

Kinilala ang biktima na si Marvin Ramintas, 41 anyos ng nasabing lugar habang kinilala naman ang suspek na si Ivan Belarmino, nasa legal na edad at residente ng Barangay Andagao, Kalibo.

Ayon sa paunang imbestigasyon ng Banga Pnp, magkasamang nag-inuman ang dalawa kasama pa ang iba nilang kasamahan nang may namagitang diskusyon sa dalawa hanggang sa masaksak ang biktima.

Matapos ang insidente ay dinala sa Provincial Hospital ang biktima dahil sa kanyang tinamong tama ng saksak.

Sa ngayon ay patuloy pa ang ginagawang hot pursuit operation ng Banga Pnp para madakip ang suspek.