Dahil sa helmet, motorista nadisgrasya

Naaksidente sa motorsiklo ang isang motorista dahil sa kanyang suot na helmet.

Kinilala ang biktimang si Roger Sapico, 57 anyos, ng Brgy. Mobo, Kalibo.

Batay sa ulat, galing sa Brgy. Pook ang biktima at pauwi sana sa Mobo sakay ng motorsiklo nang mangyari ang aksidente kahapon dakong alas-12:30 ng tanghali.

Malapit na umano sa kanilang bahay ang biktima nang matanggal ang kanyang suot na helmet at natakpan ang mata nito dahilan na nawalan siya ng balanse sa motor at tumumba.

Nagtamo ng bali sa kaliwang kamay ang biktima at sugat sa ulo.

Kasalukuyan pa itong nagpapagaling sa Aklan Provincial Hospital.