DAHIL SA KAWALAN NG MGA DOKUMENTO, ILANG UNLIQUIDATED OBLIGATION NG LGU KALIBO KANSELADO

Kanselado ang ilan sa mga unliquidated obligation ng lokal na pamahalaan ng Kalibo dahil sa kawalan ng kaukulang dokumento.

Base ito sa inilabas na sertipikasyon ni Municipal General Services officer Editha L. De Lemos ng Office ot the Municipal General Services na may petsang February 18, 2022.

Ang mga obligasyong ito ay sa mga Service Supplier ng LGU Kalibo na Aklan Electric Cooperative o AKELCO, Land Transportation office (LTO),4 Kids Tent Rentals and Ads Promotion, New Palmsade Commercial, JL Ref. and Airconditioning Sales Parts and Services, Panay Petroleum Trading, KJV Marketing Company, EMCOR Inc., Ritchel Enterprise, NIG Marketing Corporation at Innove Communications Inc.

Samantala, karamihan naman sa nasabing unliquidated obligations ay sa Hernanies Mix N Match Bar and Restaurant at Ting-Tings Canteen sa kanilang catering services na nagkakahalaga lahat ng mahigit kalahating milyon.

Dahil sa kawalan umano ng obligasyon at dokumento ay kinakailangang kanselahin at ikonsidera o ideklara itong savings ng LGU Kalibo.