DALAWA, SUGATAN SA AKSIDENTE SA MOTORSIKLO

Dalawa ang sugatan matapos maaksidente ang kanilang motorsiklo mag-aala 1:00 kaninang madaling araw sa Old Buswang, Kalibo.

Nakilala ang mga biktimang sina Lanz Westly Mattore, 18 anyos na driver ng motorsiklo at ang angkas nitong si Vince Denric Salcedo Mariano, 14 anyos ng C.Laserna St., Poblacion, Kalibo.

Base sa imbistigasyon ng Kalibo PNP, binabaybay ng dalawa ang kalsada sa bahagi ng Crossing Buswang papuntang Old Buswang nang lumagpas umano ang mga ito sa kanilang linya at sumemplang.

Nagtamo ng sugat sa kani-kanilang katawan ang mga biktima sanhi ng insidente na kaagad namang dinala ng mga taga MDRRMO sa ospital.