Dalawang lalaki arestado sa ilegal na sugal

Mahaharap sa kasong paglabag sa PD 1602 o Illegal Gambling ang dalawang naaresto dahil sa ilegal na sugal sa Calangcang, Makato.

Basi sa report ng Makato PNP, nakilala ang mga naarestong sina Noriel Tabiolo, 35 anyos ng Carugdog, Lezo at Ricardo Tana, 36 anyos ng Poblacion, Makato.

Naaresto ang mga suspek Martes ng hapon, matapos magsagawa ng Anti-Gambling Operation ang Makato PNP ng matunugan ang pagsusugal sa lugar ng mga suspek.

Narekober ng mga pulis ang kanilang ginamit na baraha sa paglalaro ng Pusoy Bahig, upuan,mesa at perang pusta sa nasabing sugal.

Sa ngayon ay temporaryong nasa kustodiya ng Makato PNP ang mga suspek kung saan nakatakdang sampahan ng kaso ngayong araw.