DAMBUHALANG BALYENANG NAPADPAD SA BORACAY, INILIBING SA SITIO TABON GAMIT ANG BACKHOE

Nailibing na kaninang umaga ang wala nang buhay na Sperm Whale o balyenang napadpad sa isla ng Boracay nitong Miyerkoles, Setyembre 15, 2021.

Sa ulat ng Maritime Pulis Aklan Marpsta, kaninang umaga lang ay pinuntahan nila ng mga taga DENR CENRO Boracay ang itinuturong balyena na natagpuan ng mga mangingisdang palutang-lutang sa baybaying sakop ng Brgy. Manocmanoc.

May haba itong umaabot sa 13 metro at may bigat na 30 tonelada, naagnas na rin at nangangamoy ang katawan nito.

Batay sa kanilang tantya, nasa 50 taon o pataas na ang edad ng lalaking balyena.

Kaninang umaga lang din nilang sinimulan na dalhin ito sa Sitio Tabon, Brgy. Caticlan, para mailibing gamit ang backhoe.