Dating miyembro ng Makato Auxiliary Police, arestado sa buy bust operation

Inaresto ng mga kapulisan ang isang lalaking dating miyembro ng Makato Auxiliary Police sa drug buy bust operation sa bayan ng Numancia.

Kinilala ang akusadong si Aljun Talandato, 27 anyos ng Brgy. Tugas, Makato.

Nakuhaan si Talandato ng isang sachet ng pinaniniwalaang shabu kapalit ng P2000 na buy bust money.

Dagdag na isang sachet ng droga pa ang nakuha mula sa kanyang cellphone cover sa pagsagawa ng search.

Batay sa mga otoridad, ilang linggo na nilang minamanmanan ang suspek at tuluyan na ngang nalambat kagabi ng pinagsamang pwersa ng Provincial drug Enforcement Unit (PDEU) at Numancia PNP.

Mahaharap ang suspek sa kasong paglabag sa Comprehensive Dangerous Drugs Act of 2002./MAS