Dating preso, binaril ng di kilalang suspek na kumatok sa kanyang kubo

Binaril ng di pa kilalang suspek/mga suspek ang isang 35-anyos na lalaki nitong Huwebes ng hatinggabi sa Brgy. Calizo, Balete.

Kinilala ang biktimang si Robert dela Cruz, ng Sitio Cabcaban, Calizo, Balete.

Ayon sa amain ng biktima, mag-isang naninirahan sa kanyang kubo sa bukid ang biktima.

Kwento umano nito, may kumatok sa kanyang kubo at pagbukas nito ng pinto ay bigla na lang siyang binaril ng suspek/mga suspek sa dibdib at tiyan.

Ayon naman kay PMAJ. Bryan Alamo, hepe ng Balete PNP, ang biktima ay itinuturong suspek sa mga nakawan sa kanilang lugar at dati na rin umano itong nakulong.

Batay pa sa ilang residente, nabugbog na rin ang biktima kamakailan lang.

Narekober ng mga pulisya ang tatlong empty shell ng bala sa lugar.

Patuloy pa ngayon ang imbestigasyon kaugnay sa pagkakakilanlan ng suspek habang ang biktima ay kasalukuyang ginagamot sa ospital.