Dating preso na nahuli sa buy-bust, nagpositibo sa drug test

Nagpositibo sa drug test ang dating presong nahuli sa buy bust operation ng mga otoridad nitong araw ng Pasko.

Magugunitang inaresto ng mga taga PDEU at Kalibo PNP si Reymar Ortega alyas “MikMik” ng Brgy. Andagao, Kalibo matapos makuhaan ng droga kapalit ng P 10, 000 na buy bust money.

Inamin ng suspek na nagbebenta siya ng droga bilang paghahanda sa panganganak ng kanyang buntis na asawa.

Batay sa pulisya, posibleng umanong may nakilalang presong sangkot sa droga si Ortega nang makulong ito at naengganyo rin na magtulak ng droga.

Kasong paglabag sa Sec. 5 (selling) at Sec. 15 (using) ng R.A. 9165 o Comprehensive Dangerous Drug Act of 2002 ang kahaharapin ng suspek.