DELIVERY RIDER SA KALIBO, NABIKTIMA NG PANLOLOKO

Viral sa social media ang sinapit na panloloko ng isang delivery rider sa Kalibo, mula sa isang nagpanggap na kliyente.

Ayon sa post ng rider ng delivery service na Buy Fast sa FB page mismo ng kanilang kumpaniya, nakiusap siya na sana ay matulungan siya at bilhin na lamang kahit paisa-isa ang mga pagkaing dapat sana ay ide-deliver niya.

Umabot sa 3,345 pesos ang halaga ng mga pagkaing nai-scam sa rider.

Ito ang mismong post ng rider:

Baka po Meron gusto po 🥺🥺🥺 MAINIT pa po😭😭😭 From Niños Ihaw-Ihaw po na orders namin,na SCAM po kasi kami😭😭 bilhin niyo na po kht Paisa Isa lang 😭😭😭😭😭

Ayon sa pinakahuling post ng Buy Fast, malaki ang kanilang pasasalamat dahil nabili nang lahat ang mga pagkain, sa tulong ng mga nagmalasakit na netizens.