DSWD STAFF, PINAGBANTAANG PAPATAYIN HABANG NAGSASAGAWA NG VALIDATION

Makato – Pinagbantaang papatayin ng isang mister ang isang staff ng Department of Social Welfare and Development o DSWD na nagsasagawa ng validation para sa Social Amelioration Program ng nasabing tanggapan kahapon sa Brgy. Baybay, Makato.

Tinukoy ni Donna Quiel ng DSWD Municipal link, 42 anyos ng Pob. Makato ang suspek na si Peter Fontillas, residente ng Brgy. Baybay.

Ayon kay Quiel, nangyari ito habang nagsasagawa ng validation at habang kausap si Liezel Undang sa bahay ni Niela Fontillas patungkol sa SAP.

Pinapaliwanang umano nito kay Undang na Hindi na ito qualified na maging beneficiary ng SAP dahil myembro na ito ng 4P’s.

Ngunit nagulat na lamang umano siya ng magbanta ang suspek na papatayin siya na nasa labas pala ng bahay at nakikinig sa kanilang pag-uusap.