Dump truck, inararo ang isang vulcanizing shop at motor

NAGTAMO ng mga minor injuries ang isang drayber ng drump truck makaraang araruhin nito ang isang vulcanizing shop sa may Roxas Avenue, Kalibo.

Kinilala ang drayber ng nasabing truck na si Bernard Nalica Narral, 33 anyos ng Bakhaw Sur, Kalibo, Aklan at ang kanyang pahinante na si Ricky Jaime Dalica, 22 anyos ng Alaminos, Madalag.

Nangyari ang insidente dakong alas-2:40 nitong hapon habang binabaybay ng truck ang Roxas Ave. papuntang Mabini St., Kalibo.

Nawalan di umano ng preno ang nasabing sasakyan dahilan na bumangga ito sa vulcanizing shop na pagmamay-ari ni Alexander Zata.

Nadamay rin ang motor na Honda ni Kim Marco Menez na nasa loob lang ng shop nang araruhin ng truck.