Empleyado umano ng LGU, tiklo sa drug buy-bust ops sa Kalibo

ARESTADO sa isang lalaki sa ikinasang drug buy bust operation ng mga operatiba sa isang boarding house sa Oyotorong Street, Poblacion Kalibo nitong Lunes, Agosto 7, 2023.

Kinilala ni PMaj. Frensy Andrade, hepe ng PDEU-Aklan ang subject person na si Mark Dela Cruz, 28-anyos ng barangay New Buswang at nagtatrabaho bilang watchman sa Kalibo slaughterhouse.

Nakuha mula kay Dela Cruz ang tatlong sachet ng hinihinalang shabu kapalit ng P3,000 na buy bust-money.

Samantala, mariin namang itinanggi ng suspek na nagbebenta siya ng iligal na droga.

Aniya, inaamin niyang gumagamit siya ng iligal na droga ngunit hindi siya nagtutulak nito.

Sa ngayon ay nasa kustodiya na ng Kalibo PNP si Dela Cruz at posibleng maharap sa kasong paglabag sa RA 9165 o Comprehensive Dangerous Drugs Act of 2002.