Estudyante sa isang paaralan sa Kalibo, dinuro at pinagbantaan umano ng security guard

Dinuro at pinagbantaan umano ng security guard ang isang estudyante sa isang paaralan sa bayan ng Kalibo kahapon, Oktubre 20.

Sa panayam ng Radyo Todo sa 18 anyos na estudyante, sinabi nito na bigla lang lumapit sa kanya ang security guard ng kanilang paaralan at saka siya dinuro.

Kinuha pa raw nito ang kanyang suot na ID pero nang tanungin ng estudyante kung bakit niya ginawa iyon ay sinagot siya nito na dahil sa suot nitong puting medyas.

Dagdag pa ng estudyante, nagbanta pa ang security guard sa kanya.

“Anang unang banta kakon hay ‘Ano mana gusto mo mana sakiton ta mana’ tapos ro pangaywa na nga banta pagtalikod hay ‘Hinduna mana gakita mana kita sa guwa,” salaysay ng estudyante.

Dahil dito minabuti ng estudyante na magparecord sa Kalibo PNP station kasama ang kanyang ina.

via Katodo Kiervy Revesencio