GINANG, HINABOL AT SINAKSAK NG LALAKING MAY PROBLEMA SA PAG-IISIP

Sugatan ang isang ginang matapos umanong habulin at saksakin ng lalaking may problema sa pag-iisip sa Sitio Tabayag, Archangel, Balete.

Nakilala ang biktimang si Aurora Quillano, 65 anyos, habang arestado naman ang suspek na si Michael Bermas, 35 anyos, kapwa residente ng nasabing lugar.

Base sa paunang imbestigasyon ng pulis, nakita lamang ng isang tanod na hinahabol ng suspek na may patalim ang biktima.

Nadapa umano ang biktima at doon na sinaksak ng suspek rason ng sugat nito sa katawan.

Kaagad itong dinala sa ospital, habang nadakip naman ang suspek at kasalukuyang naka detene sa Balete PNP Station para sa karampatang disposisyon habang nagpapatuloy pa ang imbestigasyon.