Connect with us

Aklan News

GINANG NA TUMATAWID SA KALSADA NABANGGA NG MOTOR, SUGATAN

Published

on

Kalibo-Sugatan ang isang 67 anyos na babae matapos mabangga ng motorsiklo alas 7:00 kagabi sa Linabuan Norte, Kalibo.

Nakilala ang biktimang si Marlyn Mabulay ng nasabing lugar, habang kaagad ikinustodiya sa Kalibo PNP Station ang driver na si Arnel Aragon, 41 anyos na construction worker, at residente ng Bugasungan, Lezo.

Sa imbestigasyon ng pulis, tumatawid sa kalsada ang biktima nang mabangga ng nasabing motorsiklo.

Dahilan upang kapwa silang tumumba sa kalsada kung saan nagtamo ng pinsala sa balikat at ulo ang ginang, habang minor injuries naman ang tinamo ng driver.

Samantala, sinabi naman ng driver na hindi umano nito napansin ang pagtawid ng biktima dahil madilim ang lugar.

Subali’t napag-alamang nasa impluwensiya pala ito ng alak nang mangyari ang insidente, na kanya namang inamin kalaunan.