Glass and Aluminun shop sa Mabilo, sinalakay ng kawatan

PINASOK ng kawatan ang 4-A Glass and Aluminum Works sa Brgy. Mabilo, Kalibo kagabi.

Batay sa may-ari ng shop na si Joy dela Cruz, kaninang umaga nila napag-alaman na nawawala na ang ilang mga gamit na nasa loob ng kanilang shop.

Aniya, ito na ang ikatlong beses na pinasok ng magnanakaw ang kanilang shop.

Unang tinangay ng magnanakaw ang tatlong barena at dalawang grinder na nagkakahalaga ng P10,000.

Sa pangalawang balik nito, sunod naman na nawala ang kanilang welding machine na P3700.

Kagabi naman, pinaniniwalaang muling pinasok ng kawatan ang shop at tinangay ang dalawang barena at limang welding machine na may kabuuang halagang P11,000.

Napag-alaman na walang tao sa shop tuwing gabi dahil sa Brgy. Briones pa umuuwi ang may-ari.

Patuloy na ngayong inaalam ng mga kapulisan ang pagkakakilanlan ng suspek.