GRANADA, MGA BARIL AT BALA, NAKUHA SA BAHAY NG DATING KAPITAN SA MALAY

Malay Aklan- Granada, mga baril at bala ang narekober ng mga otoridad matapos isilbi ng Malay PNP ang search warrant sa bahay ng dating Kapitan ng Brgy. Cubay Sur at ngaun ay Supervisor ng Slaughter house ng LGU Malay.

Ayon kay Malay PNP Chief Lt Col Don Dicksie De Dios, 7:25 kagabi ng isilbi nila ang search warrant laban sa subject na nakilalang si Neil Quintin, 51 Anyos.

Sa pamamagitan ng search Warrant na inisyo ni Hon.Bienvenido Barrios Jr Executive Judge ng Regional Trial Court Kalibo Aklan nito lamang July 23,2021 ay hinalughog ng mga pulis ang bahay ng subject.

Nakuha ang dalawang 40 MM grenade launcher, isang 45 Caliber pistol, magazine na may 7 Bala, isa pang extra magazine na may 4 na bala,,l isang improvised 12 gauge shotgun, at isang improvised .22 Caliber riffle.

Ayon sa Malay PNP, mag iisang buwan nilang minanmanan ang suspek matapos makatanggap ng report na meron itong tinatagong mga armas sa kanyang bahay.

Sa ngayon ay nakakulong sa Malay PNP ang suspek at mahaharap sa kasong paglabag sa RA 10591 o illegal possession of fire arms at illegal Possession of Explosives.