Granular lockdown inalis na sa buong C. Laserna St.

TINANGGAL na ni Kalibo Mayor Emerson Lachica ang Granular Enhanced Community Quarantine (GECQ) sa buong C Laserna St., Kalibo.

Kasunod ito ng lumabas na negatibong resulta ng mga high risk contacts ng mga COVID-19 positive sa lugar.

Sa Executive Order No. 069 ni Lachica, tuluyan nang inalis ang GECQ sa Purok 1 hanggang 5 habang ibinaba sa Surgical Enhanced Community Quarantine (SECQ) ang Purok 6 interior mula ngayong September 28 hanggang October 4.

Inalis na rin ang SEQC sa Mabini area at Sto. Niño Village matapos na magnegatibo rin sa RT-PCR test ang mga high risk contacts sa lugar.

SA datos ng Provincial Health Office, nakapagtala na ang Aklan ng 107 kaso ng COVID-19, 63 sa kanila ang gumaling na at 7 naman ang naitalang namatay.