Higit 30 bahay sa Boracay, sinimulang gibain

Higit 30 bahay sa Sitio Bantud, Barangay Manocmanoc, Boracay ang sinimulan nang gibain nitong umaga matapos ang tatlong taong pagpapaalis sa mga residente.

Bagama’t naging maemosyonal ay walang naging pagtutol ang mga residente at tinanggap ang paggiba ng kanilang tahanan sa loob ng maraming taon.

Masama rin ang loob ng ilang residente sa gagawing pagsira sa pinaghirapang bahay lalo na ngayon na wala umano silang kapera-pera dahil sa pandemya.

Nabatid na tatlong taon na ang nakalipas mula nang unang inabisuhan ang mga residente na lumikas sa nasabing lupa na isa ng private property.

Pero hindi umalis ang mga ito kaya’t naglabas na ng demolition order ang korte.