Aklan News
Higit kumulang P700k, danyos sa sunog na nangyari sa isang bodega sa Numancia
Umabot sa higit kumulang P700,000 ang danyos na iniwan ng sunog kahapon sa isang bodega sa Brgy. Bubog, Numancia.
Batay kay FO1 Adrianne Villas, Arson Investigator ng Numancia Fire Station, nagsimula ang sunog mga pasado alas-7:00 ng umaga kahapon.
Batay umano sa may ari ng bodega na si Peter Lao Jr., nagsimula ang sunog dahil sa isang faulty wire na nabasa ng tubig ng ulan.
Idineklarang fire out ang sunog dakong alas-8:12.
Wala namang naitalang sugatan sa insidente.
