Aklan News
Higit P4m, natangay ng benta slot “scammer”
TINATAYANG higit sa 4 na milyong piso ang natangay ng isang indibidwal na siyang sa likod ng isang investment scam na “benta slot.”
Sa naging pahayag ng isa sa mga biktima na tumanggi nang magpapangalan, naengganyo ito sa naging pangakong interest o tubo sa benta slot ni Joy ParconOrtega Zambrona.
May pagkakataong pang personal nilang inaabot ang pera kay Joy Zambrona o di kaya’y sa pamamagitan ng bangko at digital money transfer.
Noong una, naging maayos naman ang transaksyon ngunit nitong Abril, pumalpak na ito sa pagbalik ng kanilang mga pera.
Pagpapaliwanag pa nito ang istilo ng “benta slot” ay nagpopost sa Facebook si Joy ng mga halaga na ia-avail ng investor.
Pagkalipas ng isang buwan, ang pera ay ibabalik naman sa investor kasama na ng interes.
Nakatakda sanang magharap ang mga biktima at si Joy Zambrona nitong araw, Mayo 15, sa barangay ngunit hindi ito sumipot.
Minabuti naman ng mga biktima na ipa-rekord ang insidente sa Kalibo Municipal Police Station. l Ulat ni Arvin Rompe
